 |
2006年08月11日 東方日報
周華健唔做逃兵
周華健在樂壇打滾二十年，稍後他將於紅館舉行演唱會，回顧這二十年，華健直言過去的五年，他的歌唱事業跌至谷底，壓力很大！太太有見及此，曾提議他到美國進修，不過華健卻擔心自己會做了「逃兵」一去不返，所以最後都選擇勇敢面對！
在事業高峰的十年，唱片銷量單單在中、港、台三地，閒閒地都賣過數百萬張，他說：「當你的唱片賣得咁好，會令你不停做碟，好似工廠咁．反而到低潮個五年，我先感受到自己上台唱歌，係真正為自己．」華健直言以往唱片銷量總是名列前茅，一下子銷量大跌，自己都未能接受現實，但當時唯一可做的，就是繼續努力，尋找新的靈感，他說：「個時係咁不停試新野，成日覺得自己無突破，過唔到自己個關，結果搞到走火入魔，試過做左D好難聽的音樂都有，壓力真係好大！」
反對仔女入行
娛樂圈「跟紅頂白」，會否遇見一些難看的面孔？華健表示：「咁又無，人紅出街當然無問題，但當你唔紅，你就唔想見光；好日子的時候你就甚麼都唔想變，但有問題發生，你就有D野想做！」結果華健孤注一擲，幾乎花盡家財去開一間豪華錄音室，置諸死地而後生，反而在新環境下製作了一張自己很滿意的作品《雨人》．至於為哥哥擔任擔保人而惹上官非，華健坦言：「件事對我係一個打擊，亦都有影響大家感情，但我相信佢唔係有心害我．」會否讓仔女加入娛樂圈？華健直言：「雖然個女唱歌好好聽，個仔都有音樂天分，但我絕對唔贊成佢地入娛樂圈，因為壓力實在太大，寧願佢地朝九晚五就算！」
'
 |
 |
 |